The Weather Channel როგორც ამინდთან დაკავშირებული მომსახურების პროვაიდერი

გამარჯობა! The Weather Channel ფლობს და აქვეყნებს weather.com ვებგვერდს, The Weather Channel-ის მობილურის აპლიკაციას და ამინდთან დაკავშირებულ სხვა პროგრამებს. მაგრამ ზოგჯერ The Weather Channel ჩვენს ინფორმაციას ამინდის შესახებ აწვდის სხვა კომპანიებს, რომლებიც მას თქვენ წარმოგიდგენთ საკუთარ ვებგვერდებზე, მობილური ტელეფონების აპებსა და სხვა პროგრამებში. ამ გვერდზე განმარტებულია, თუ როგორ იყენებს The Weather Channel თქვენს მონაცემებს კონკრეტულ სიტუაციებში. სხვა კომპანიის ვებგვერდის, მობილური ტელეფონების აპის ან სხვა პროგრამების მიერ პირადი მონაცემების შეგროვების, გამოყენების და/ან გაზიარების შესახებ ყველა სხვა შეკითხვის შემთხვევაში გადახედეთ ამ კომპანიის კონფიდენციალურობის წესებს.

The Weather Channel-ის მონაცემთა გადანაწილების სისტემებს შეუძლიათ სასურველი ადგილის მეტეო პირობების შესახებ ინფორმაციის ავტომატურად მიწოდება, თუ ჩვენ მოგვაწვდიან სასურველ ადგილს რამდენიმე ცნობად ფორმატში, როგორიცაა საფოსტო კოდები, ქალაქის სახელები ან გეოკოდები (განედი/გრძედი). მდებარეობის მონაცემები შეიძლება ავტომატურად მოგვაწოდოთ იმ აპლიკაციის მეშვეობით, რომელსაც იყენებთ ან შეგიძლიათ აკრიფოთ და აირჩიოთ ადგილმდებარეობა ძებნის საშუალებით, იმის მიხედვით თუ რა სახით არის შექმნილი სხვა კომპანიის ვებგვერდი ან აპლიკაცია. ნებისმიერ შემთხვევაში The Weather Channel გამოიყენებს მდებარეობის შესახებ მონაცემებს მხოლოდ ამ ადგილის მეტეოპირობების შესახებ თქვენთვის ინფორმაციის მიწოდების მიზნით. (გთხოვთ გაითვალისწინოთ, რომ ეს არ ნიშნავს იმას, რომ სხვა კომპანიის ვებგვერდი ან აპლიკაცია არ იყენებს თქვენი მდებარეობის მონაცემებს სხვა მიზნებისთვის, ამიტომ დამატებითი ინფორმაციისთვის იხილეთ სხვა კომპანიის კონფიდენციალურობის წესები.) საჭიროების შემთხვევაში, თქვენს მიერ გამოყენებულმა ოპერაციულმა სისტემამ (OS), ბრაუზერმა ან მობილური ტელეფონის აპლიკაციამ შეიძლება მოითხოვოს თქვენი მდებარეობის მონაცემების გამოყენების ნებართვა ან გაჩვენოთ შეტყობინება იმის შესახებ, რომ თქვენი მდებარეობის მონაცემები გამოიყენება. ეს მოხდება თუ არა, დამოკიდებულია ოპერაციულ სისტემაზე, ბრაუზერზე ან აპზე, რომელსაც იყენებთ და ადრე გაეცით თუ არა ნებართვა ან იხილეთ ეს შეტყობინება ადრე. გთხოვთ გაითვალისწინოთ, რომ იმის გამო, რომ The Weather Channel არ ფლობს, არ მართავს და არ ემსახურება თქვენს მიერ გამოყენებულ ოპერაციულ სისტემას, ბრაუზერს ან აპს, ჩვენ არ შეგვიძლია გავაკონტროლოთ, მიიღებთ თუ არა შეტყობინებას ან თხოვნას თქვენი მდებარეობის გამოყენების შესახებ.

ისევე, როგორც ადამიანები ვერ უგზავნიან ერთმანეთს წერილებს საფოსტო მისამართების გარეშე, ინტერნეტში შეერთებულ მოწყობილობებს არ შეუძლიათ კომუნიკაცია IP მისამართების გარეშე. ამის გამო, სხვა კომპანიის ვებგვერდი ან პროგრამა იყენებს IP მისამართს, რათა თქვენს მოწყობილობას მივაწოდოთ ინფორმაცია ამინდის შესახებ. სხვა კომპანიას შეუძლია დაუკავშირდეს The Weather Channel-ს იმ მომენტში თქვენი მოწყობილობისთვის მინიჭებული IP მისამართის ან მათი შიდა სისტემების IP მისამართის გამოყენებით. ნებისმიერ შემთხვევაში The Weather Channel გამოიყენებს IP მისამართს მხოლოდ ამ ამინდის შესახებ თქვენთვის ინფორმაციის მიწოდების მიზნით.

ალბათ გაინტერესებთ: „როდის ვრცელდება The Weather Channel-ის კონფიდენციალურობის წესები ჩემზე?“ The Weather Channel-ის კონფიდენციალურობის წესები გამოიყენება მხოლოდ მაშინ, როდესაც მომხმარებელი ეწვევა საიტს, მობილურ აპს ან სხვა პროგრამას, რომელიც გამოქვეყნებულია და ეკუთვნის The Weather Channel-ს.